فنادق بالقرب من مرسى علم

الهدوء

كل شئ جميل الطعام موجود طول الوقت تقريبا ومتنوع استاذ حسام في الاستقبال ماشاء الله ممتاز

الستاف بيحاول يتعاون بس الفندق سئ جدا الاكل سئ المضافه منعدمه بيتاخرو جدا فى جميع الإجراءات غير مرتبين نهائي البيسينات بليل كان فيها رمل واضح معنى كده مش بيتم التعقيم كويس أنا نهيت اقامتى وخدت باقي فلوسي مقدرتش استحمل الوضع

الريسبشن متعاون و ناس محترمه وخصوصاً مدير الريسبشن والمدير العام كتير جدا محترمين

مستر على بالريسبشن و جميع أفراد الريسبشن على قدر كبير من الاحترافية و الأحترام

الفندق اكثر من رائع نظيف جدا و مهتمين بكل حاجه الشاطئ صخري مليان شعب و اسماك و كابوريا لهواه الاسنوركلينج الاسناكس علي البحر علي عكس الفنادق التانيه مش اسناكس تقليدي لأ ده مطعم بنظام المنيو بتطلب اي حاجه يعملهالك سواء بيتزا او استيك او خضار سوتيه او فاكهه او حلويات الشيفات عندهم حقيقي علي اعلي مستوي بيحاولو يرضوك بأي طريقه... ..الاكل بقي في البوفيه اكثر من رائع تنوع كبير جدا و خامات الاكل عاليه مش تحس انك بتاكل اكل معمول و خلاص لا مهتمين بطعم الاكل جدا و قبل مابيخلص بينزل غيره لحد اخر لحظه ...اللي عاوز ينبسط يروح فندق مهتمين فيه بكل حاجه

بداية كل الشكر للاستاذ محمد كمال من ادارة فندق الباتروس بالاس لترحابه الجميل وضايفته اللي اكثر من رائعة ومبروك للفندق على هذا الشخص المتفاني اللي تشوفه ف كل مكان يتأكد من راحة الجميع انا كان حجزي على فندق الباتروس أوسيز بورت غالب , وادارة الفندق حبت تعمل معايا حركة جميلة وهي في محل التقدير والامتنان وتم عمل upgrade للحجز واتحولت لفندق الباتروس بالاس واستاذ محمد اختارلي غرفة مطلة على اللاجون تقريبا من غرف الاحلام (هو عبارة عن سويت صغير مش غرفة) , ححاول افصص التقييم بتاعي لنقاط اساسية انا شايفها مهمة من وجهة نظري المتواضعة واتمنى تساعد اي شخص حابب يحرب الباتروس في مرسى علم. الغرفة : الغرفة ممتازة والموقع رائع والمتوفر في الغرفة من ادوات تغنيك عن اي احتياج , يعني الغرفة فيها طربيزة مكوة و شسوار ^_^ اه والله زيمابقولك كده ^_^ , السرير مريح جدا والنظافة 10/10 ديكور الغرفة رائع والترفيه مضمون بشاشة كبيرة جدا وحديثة , كل فترة بيتم ارسال سلة من الفواكه وعصائر ومشروبات حسب جنسية الضيف في الغرفة . العاملين : الكلام هنا ميخلصش عن مدى بشاشة العاملين وجهدهم الرائع في الحفاظ على النظافة والنظام وانهم بيشتغلوا كخلية نحل عشان الضيف يحصل على ما اكثر ما يتوقعه من رائحة وقيمة مقابل سعر , العاملين نظيفين جدا من حيث النضافة الشخصية وعطورهم زكية, ممكن تكون ملاحظة غير مهمة , لكني عانيت على المستوى الشخصي من العاملين من بعض الدول ستاف المطبخ ممتاز جدا وممكن يتأخر عن اي مواعيد محددة عشان يخدم ضيف واحد . الترفيه : هنا يحب ان اتوقف اجلالا وتعظيما لمجهود الفندق في توفير كل وسائل الترفيه الممكنة في مرسى علم , المسابح كثيرة ومدفئة , توجد منطقة اللاجون وهي كبيرة جدا جدا ولكنها غير مدفئة (عمليا وعلميا لا يمكن تدفئتها) ولكنها اعطت منظر رائع للمكان يحعلك تتخيل مدى روعة اللاجون في فصل الصيف. فريق الانميشن ممتاز ومحبوب جدا ومنوع وبيحب يشرك جميع النزلاء في الانشطة (فريق الانميشن اجنبي). الاكوا راااااائعة وفيها ميزة مش متوفرة في اغلب الملاهي المائية وهي المصعد المخصص للأشخاص ليتمتع الجميع وبأسرع وقت بروعة الملاهي المائية , تقريبا العاب الكبار عددها 9 , العاب الاطفال لا تعد بصراحة وكثيرة جدا والاطفال يحسدون على الامكانيات الموفرة لهم , يتبع ... ^_^